連詩雅聖誕節冇工開

連詩雅(Shiga)昨日到新城電台宣傳，她透露有追看好友周柏豪有份演出的《多功能老婆》，她與黃翠如合演的劇集將於明年初推出，令她非常期待。

周柏豪初為人父，Shiga表示因近日生病，所以不敢去探望BB：“BB出世當日，我已去過醫院探望，第一次見到BB時已覺得佢個嘴仔好似柏豪。柏豪也有在我們群組放上BB新相，現在BB的樣子跟出世時唔同咗。”雖然Shiga很喜歡小朋友，但暫時無意做媽咪，她笑說：“玩別人的BB更好，加上近日表哥添丁，我又升級做表姑姐了。”

踏入聖誕節黃金檔期，Shiga坦言現時出騷機會減少，但對整體收入沒有太大影響。她謂：“我又不是賺得多，慶幸都有客戶搵我工作，稍後會陸續推出。聖誕節冇工開，便約媽咪拍拖食飯，沒有預男友，有時要兩母女才傾到偈。”