王梓軒宣告再開個唱

王梓軒一連兩場演唱會前晚圓滿結束，尾場有金牌編劇監製陳寶華、黃浩然及于淼撐場，梓軒問現場觀眾有冇睇《多功能老婆》？全場大叫“有”，佢好抵死咁話：“我明白寶華姐要坐中間，因為顏成功（于淼）同浩然坐埋一齊，可能畀人打。”梓軒更感謝寶華姐寫了一個好劇集：“角色英文名與我同名，並且有機會同前輩梁舜燕合作。”

今次個唱，梓軒由籌備到開騷足足籌備了半年多，前晚他台上好有感觸地說：“我想令大家開心，正正就係我的演唱會最重要的一個主題。想幫大家一齊去尋找快樂根源，過程之中希望每一位重新去學習世界。”隨即唱出《再生》。

慶功宴上，王梓軒滿場飛。他笑說：“兩場演唱會已經結束，我覺得有少少意猶未盡，因為大家剛剛玩熟流程，所有表演團體已經熱晒身，表演得愈來愈好。雖然我想唱多幾場，但可以在這個時候開到兩場演唱會已經係非常難得。”梓軒並宣佈由於個唱反應好，投資方已答應開Part 2。