千嬅有個EQ高老公

“姊弟戀好正！”這是楊千嬅戲裡戲外的親切感受，幸好兩個男人的EQ都很高，與年齡無大關係。

“結婚十年，冇可能冇鬧交。”丁子高公開夫妻相處秘密：“有時我唔開心，大家就即刻散開，我會落公園行開吓。我覺得發脾氣時討論一件事只會傷感情，我哋兩公婆一定唔會冷戰，沒有隔夜怨氣，冷戰越長愈傷感情，好無謂。”

大家都火滾，爆炸邊緣如何拆彈？“點樣都好，發脾氣一定唔啱，”丁子高不愧公關高手，“大家會講Sorry，有時千嬅先講、有時我先講。夫妻唔好將面子放到好大，咁係好傻嘅。夫妻矛盾好小事，多數係一時態度有點唔順眼而已。”丁子高表示夫妻都知道對方底線， 有底線不是壞事：“如果愛佢，有一百條底線都唔會覺得煩。”

楊千嬅曾經說，絕對相信老公不會出軌，丁子高坦言出軌之事不會發生在他身上：“我都百分百相信丁太不會出軌。大家都明白，出軌會傷害家庭、傷害事業；我不想傷害兒子心目中的爸爸、媽媽形象。”

丁子高分析“出軌”原因：“出軌係小朋友的事（思想很不成熟），與年齡無關的。只愛自己、只掛住個人自私感受才會去做；如果一個人成熟，會尊重和愛護家人。何妨交換角色去睇，如果老婆出軌，我又會點呢？”

與丁子高鬧交的最大件事所為何事？千嬅一笑：“我冇睇佢短信！係人都有情緒，想鬧交就靜一靜，之後再給他長長的短信解釋。有時佢會話我語氣好似對下屬。”千嬅直言生活中大小事都靠老公處理，財政大權亦對方揸弗，但仍繼續買嘢，“但梗係靜雞雞買啦。”

（千嬅講老婆經：三之三）

高 梁