回歸廿載換新天

廿年前今日，馬交小城更名易幟，回歸了！大作家聞一多數十年前曾明言，澳門才是馬交真名。回歸當夜凌晨全城沸騰，數百年歷史，一夜更新，澳人自己作主，難免唔多慣。然挺起腰桿，吐氣揚眉，唔使教亦做到足。

數百年屈辱一朝釋，其惶其喜，唯親歷者感受至深。老叔父嘗受牛叔欺壓，忍氣吞聲；回歸之日，把酒狂歌，吐盡冤屈，兩打啤酒，飲極唔醉。昔日低人一等，今朝當家作主，昂首挺胸，“點解唔飲！”

當年香港回歸，得聞解放軍進駐，有港人雞飛狗走。然其舊老細即時閂大閘，改國籍法，將之摒諸門外，港人大罵冇良心。澳人知道回歸會駐軍，歡呼“解放軍快啲來！”因氣受夠了。港澳兩地，天淵之別。

回歸廿載，澳門小城翻天覆地，昔日寧靜，今天繁囂。雖然唔慣，卻樂見社會發展，政府派糖，人人受惠。今日又見新屆政府上場，期待新人事新作風。未來五年，食粥食飯，睇佢哋矣！

西門公子