羅凱鈴唱歌冀有共鳴

一連十五場的Singleton音樂節，前晚去到第二場，邀得網上人氣極強的樂壇新人羅凱鈴(Judas)演出，為樂迷帶來一個半小時的音樂享受，細緻的聲線令全場氣氛推至高峰，樂迷陶醉在音樂及威士忌之間。

Judas剛完成個人演唱會，加上被網友譽為“Busking王”，前晚有不少粉絲慕名入場。Judas說：“今次我係唱別人的歌為主，最緊要大家聽得有共鳴。何況歌迷鍾意聽我把聲，所以唱邊首歌都冇問題。”

羅凱鈴自爆另一半亦有到場支持，享受音樂節的樂曲：“去到冬天唱歌其實好有Feel，因為聖誕節凍得來又甜蜜，好多情歌可以唱！今年我係大豐收，由街頭Busking變到有人邀請我去音樂節演唱，好感恩大家的支持！明年我會繼續鑽研樂器，好似鼓或者銅管樂器，希望我的作品會有更多人認識。”