呂慧儀撮合加盟客串

陳煒只演兩集嫌少

處境劇《愛 · 回家》演員劉丹、羅樂林、呂慧儀、張景淳、湯盈盈、單立文及林淑敏等昨日一起食盆菜，預祝冬至和聖誕節，並宣佈陳煒將於一月客串兩集。

劉丹昨日帶同一班《愛 · 回家之開心速遞》演員出席宣傳活動。活動結束後，眾人一齊食盆菜預祝冬至和聖誕節，同時宣佈陳煒將於一月頭兩日客串演出兩集。“丹爺”劉丹穿上紅裝秒變“聖誕老人”大派禮物，陳煒白衫清新脫俗，笑容甜美。滕麗名到處比愛心，十分調皮可愛。

陳煒直言開心加入這個大家庭，但之前不能透露消息：“兩三星期前已經拍好啦，拍外景時有街坊見我同《愛》劇組一齊，都覺得奇怪，但要保守秘密好辛苦。”丹爺亦投訴：“我仲辛苦！冇機會同煒哥演對手戲，希望之後可以加多幾集，我哋就可以合作。”問到劇中角色時，煒哥就大賣關子，只透露是與接龍集團有關：“雖然只得兩集，但有很多不同造型，有霸氣又有委屈，希望出來效果跟之前客串的歐陽震華同樣有好大迴響。”

呂慧儀因一張合照而撮合煒哥加盟客串演出，她笑說：“仲有加少少力水，我問佢得唔得閒？不如一齊玩啦，今次係好難得的機會合作，好有新鮮感。（同佢有對手戲？）梗係有啦，如果我係萬能水，佢就係百變煒哥，造型反差好大。我的角色係有求於佢，佢會係繼續存在我哋集團，有需要時佢又會出來幫手。”

問到冬至及聖誕會如何度過？慧儀表示明年一月起《愛 · 回家》會逢周一至周日播映，所以聖誕也要開拍：“我正在想辦法申請囝囝‘蟹籽’入電視城陪我開工，希望屆時可以像往年一樣，可以抽空開派對慶祝。”張景淳就被問可會送禮物給蟹籽？慧儀即搶答：“總之唔好送玩具。”張景淳搞笑地說會送教科書。

“細龍太”陳偉琪近日與方紹聰（奶仔）傳緋聞，被拍到一起放狗，女方又在社交網上載收花相，自爆開工時收到神秘人送九十九枝玫瑰。問她與奶仔是否拍拖？陳偉琪即時否認：“唔係呀，激死我喇！我哋放狗咋，因為我支持佢領養唐狗。”不過她也承認奶仔有發動追求攻勢，間中會致電她相約食飯。問到對奶仔印象如何？她說：“朋友！（派好人卡即冇運行？）咩都係朋友開始，（唔落閘？）朋友！”她笑言自己未結婚前，個個追求者都有機會，但他要先拗贏神秘人，因為對方也是追求者。