與MIRROR拍劇先認人

鄧麗欣唔驚有代溝

鄧麗欣、顧定軒、陳宇琛、余潔瀅等昨日現身元朗一所荒廢學校，為ViuTV新劇《男排女將》拍外景，眾人以運動Look示人，現場並舉行開鏡儀式。

ViuTV電視劇《男排女將》昨日舉行開鏡禮，主演的鄧麗欣(Stephy)、顧定軒(Zeno)、MIRROR成員Ian（陳卓賢）等都曾接觸過排球，對拍攝甚有幫助。Stephy說：“開始傾劇本時，因編劇唔係打排球的，所以好多術語都唔係咁正宗，我哋都會調節，至於姿勢、動作就交由現場的專業指導人士。有好多戲真係要落場打，Ian就自己打返，唔使用替身。”

昨日，Stephy以淡妝上陣，她在劇中飾演教練一角，與陳宇琛青梅竹馬，之後會發展一段美妙感情，亦透露會落場跟一大班“小鮮肉”切磋球技。Stephy自信已經全部認得MIRROR成員：“我梗係認得晒！無論係戲名、真名、戲裡面打球位置都記得！（驚唔驚有代溝？）臨拍之前有惡補過術語先至拍，如果唔係都驚聽唔明。”Stephy稱與MIRROR拍劇勾起了昔日回憶：“以前做組合的時候好熱鬧、好多人、好開心，而且他們後生，好有能量。”Stephy笑言拍攝之前做了很多心理準備：“因為拍攝電視劇的時間比電影長太多，我不是很適應。但見到一群年輕演員拍攝的時候，令我回想起當年和隊友打比賽的時光，我現在演繹的教練，應該也有當年我哋教練的影子。”她亦為MIRROR成員感到辛苦：“咁多人同一個時間開工，化妝都要輪流化！我哋係女仔，以前要早到三、四個鐘化妝做準備。”

熟悉排球的Ian在劇中要身兼替身，替大家完成高難度的戲份。第一次拍劇的Ian坦言要向Stephy與Zeno學習：“我第一次拍劇，冇乜經驗，大家都好肯幫我，慶幸大家冇畀太多壓力給我。”Ian坦言自己在戲中有愛情線：“主要講我暗戀一個女仔，但又追唔到佢，最後會同Zeno劇中的妹妹變成情侶。”冇冇親密戲份？Ian說：“我好似都會被人錫面，唔係錫嘴。”

至於幾年前曾跟Stephy拍過電影的顧定軒(Zeno)，興奮地表示兩人有大量對手戲，今次可過足戲癮。Zeno更因而特意去訓練：“我會不斷請教Ian，問清楚規矩，未開拍的時候都會搵佢搓波。”Zeno與Stephy在戲中是特別的關係，但他強調兩人之間不是師生戀：“係我好熱切要搵一個人做我哋的教練，有種亦師亦友的感覺。”