黃浩然當視帝機會微

《多功能老婆》聲勢大熱，但黃浩然榮膺今年視帝的可能性——極低！理由：他已不是無線親生仔，跳出公仔箱去拍電影了。

早前，黃浩然在杜琪峰穿針引線下，簽約古天樂旗下經理人公司。“我同古仔識了二十年，一路有接觸。”黃浩然自我踢爆，“之前我同舊經理人公司滿約。太太幫我做咗經理人，也該告一段落，就同古仔間公司一拍即合。”

談到《多功能老婆》中演的角色貪財好色，拋妻棄子，浩然稱：“佢係驕傲又自大的建築師，相信觀眾從未見過這樣的黃浩然，自己亦覺得難頂……總監製陳寶華親自找我演出的，她是帶我入電視圈的其中一人，同我傾《多》劇時，冇講飾演我太太角色的是誰？但係，我角色叫‘劍雄’，跟當年我在《新紮師妹》中角色一樣。我諗，會否楊千嬅呢？哈哈，眞係。當年“方麗娟”與“劍雄”今天已是“飛飛”與“尙劍雄”。拍呢套劇，我與千嬅日日見足半年，私底下話題，都係圍繞家庭、小朋友。”

“十七年前，監製黃偉聲搵我拍《兩妻時代》；那時由電影轉拍電視劇，因為市道好差，冇嘢撈，一年只係開工十幾日。我係好安於現狀的人，之後劇接劇，待遇也不俗，工作沒停過。五年前，《張保仔》開工前，浩然確診患上貝塞特氏症，“我反而覺得好彩，我四十歲遇到呢個病，就會知道注意身體，如果我五十歲才遇到，治療可能比四十歲更麻煩。”

有人話，現在才跳出無線簽古天樂電影公司，遲啲喎。“如果我再唔變，難道六十歲才變咩？”黃浩然坦言：“對我來講，我拍咗咁多年劇集……現在電影圈天地廣濶，有好多新鮮嘢。我係一個新人，可以試更多。”

更重要是，黃浩然返回電影圈，藉此對兩個兒子作出身教。“我想佢哋知道，就算到咗爸爸我的年紀，都會挑戰一些新東西。年紀不是藉口，我相信兩個兒子慢慢會知道的。”

高梁