孫慧雪自認入得廚房

昨日，孫慧雪為烹飪比賽擔任評判。阿雪受訪時笑言：“我自問廚藝都唔錯，炮製三餸一湯絕對沒有問題，只係要一邊上網學一邊煮，而且煮完之後，個廚房被我搞到好亂，好彩老公會幫手洗碗和執拾。”

阿雪表示：“我有時都會撇甩囝囝，同老公過二人世界，我會煎牛扒及煮意粉兩公婆享受，而老公則間中會煮公仔麵畀我宵夜，佢煮得好好食，食得出係花過心思嚟煮的。（豈非冷落了囝囝？）又唔會噃，我都有鑽研親子食譜，煮美食畀囝囝吃的。”

阿雪將於下周舉行音樂會，她表示：“最近做司儀工作多咗，我都擔心到時會聲沙，近呢幾日我會盡量少說話養聲。”