悅裕強配坐二望一

今日一年一度大日子，香港國際賽事日。阿拉覺得捧大師傅實力座騎應有着數，揀了戴圖理同潘頓座騎同大家分享。

頭關第二場，三班千八米。告東尼馬房“悅裕”特別邀得戴圖理上陣，發揮必比之前騎開牠的田泰安高幾班。可望提升名次，坐二望一之選。

次關第五場，一級賽千二米香港短途錦標。潘頓回策“忠心勇士”，應該再唔會老貓燒鬚。自從季初響佢老哥胯下首嘗敗績後，兩次再出均贏來兵不血刃。訓練此馬嘅大摩又退休在即，必想贏馬留下美好回憶。