第四輯遍遊南番順澳

李家鼎煮撚手小菜

李家鼎與譚玉瑛昨日出席《阿爺廚房》記者會，鼎爺更即場示範烹製“阿爺年代臘腸卷”。節目已拍到第四輯，問到今輯菜色是否費煞思量？阿譚指很多材料都用過，但以前的煮法較複雜，今次就簡單些。

“鼎爺”李家鼎和譚玉瑛昨日為新一輯《阿爺廚房》舉行記者會，即席示範多款家鄉菜色。鼎爺表示全新一輯製作吸取了之前觀眾指菜色難煮的意見：“煮了好多家常小菜，非常簡單，材料也很容易買到，滿足大家要求。”鼎爺指其父在世時對飲食很奄尖，從未讚過他一句：“家父最多只係話：‘食得吓啦’，而家多謝佢啦，上天安排我踏入古稀之年至拍第一輯節目。”

鼎爺表示這次實地到其家鄉南海、順德及澳門拍外景，並途經媽媽的鄉下番禺，感受特別深，旅程中嘗了不少家鄉小菜。譚玉瑛笑言自己經常係第一個試味：“以我食得最多，拍到第四輯，鼎爺很懂得我鍾意食咩部位，每當拍完立刻拿給我，免得給別人搶了。”

談到拍外景難忘事，鼎爺說：“有次拍攝當日氣溫高達四十二度，已經係下午四點半才開始拍，但我哋都以為入咗麵包爐，機器熱到唔郁。”阿譚笑指鼎爺已經冇頭髮，但都熱到要將個頭貼近冷氣機口吹。鼎爺解釋不是怕會中暑，而是驚爆血管：“當時眼前已見到有兩、三個人影在晃動，一路係咁吹，吹咗十幾廿分鐘才冇事。”問到下次拍外景是否不要再預佢？鼎爺說：“有賣身契冇得唔做。（最辛苦呢次？）次次都咁好彩咁辛苦，之後去澳門又係咁熱。”阿譚亦稱平日拍外景只帶潤唇膏，今次拍外景熱到連妝都溶掉。