唔介意與男友拍戲

鄧麗欣拒演母子

鄧麗欣與張晉昨日以“愛滋零標籤”愛心大使身份出席活動，呼籲公眾對愛滋病患者不要帶有歧視。談及黎小田離世，麗欣表示可惜未有機會合作：“我最鍾意佢寫的《問我》，細個已識唱，是十分鼓舞人心的一首歌。”

鄧麗欣(Stephy)自與台灣男星邱勝翊（王子）拍拖後便經常曬恩愛，談及近日兩人更以情侶檔一起拍廣告，Stephy笑說：“都係工作，冇刻意放閃，因為我哋都覺得呢個品牌唔錯。而且拍出來效果很好，又係聖誕節主題，可以寓工作於娛業，佢又可以飛過來見面，慳返張機票錢。”問到會否以情侶檔拍戲？她笑言當然唔介意在工作上與男友合作：“主要睇作品！我覺得唔一定要攞戲來做，咁會好悶，可以做其他。（演母子？）演母子唔接！可以演敵對戲，我鍾意睇老千電影，可以我騙佢財，互相呃對方，但唔好搞到我係騙財騙色。”

Stephy主演的電影《金都》早前於金馬影展奪奈派克獎，她表示導演黃綺琳有發短信向她報喜，她感到很驚喜：“香港有好多有才華有潛質的新晉導演，我經常與新導演合作，相信係緣份。我都係收友情價，希望多支持本土港產電影，希望導演日後走紅都記得第一部電影係搵我拍的。”

張晉榮升第三個孩子的父親，不經不覺已半個月，他透露細仔樂兒出世後，老婆蔡少芬(Ada)湊仔雖然辛苦，但也很享受，笑謂今世應不會再有這些機會。問到可有與老婆爭湊仔？他笑說：“我唔使爭，佢都要我幫。呢個BB成日瞓，有時老婆餵奶時BB都會瞓着，要我幫手拍醒佢。點知到我抱住時瞓得更沉。總之換片同沖涼都係我做，因為老婆坐月唔掂得生水。”

張晉大讚兩個女兒好幫得手：“會幫手遞毛巾及尿片，見到她們對弟弟又攬又咀爭住抱，三個相親相愛很幸福。”問到兒子樣子似誰？張晉指兒子跟他兒時很相似，老婆亦笑指兒子似小時候的他。

家中再添成員是否要換大屋？張晉笑說：“買得起至算，（Ada說唔夠住？）依家間屋舒服就OK，主要係小朋友雜物多，冇必要換。兩個女成日要瞓埋一張床，我又唔鍾意搬屋，係老婆鍾意貪新鮮感至鍾意搬屋，好彩佢鍾意老公方面唔係咁。”對於有傳Ada有一點五億資產？張晉說：“我從來唔理錢，我真係唔知。（佢守財？）持家有道、應使則使係優點，娶到個咁好的老婆真係三生有幸，夫復何求？”