C01

關心妍慈善開唱不收歌酬 2023年02月21日

關心妍為演唱會拍海報

關心妍慈善開唱不收歌酬

關心妍(Jade)四月即將舉行演唱會,日前現身攝影棚為個唱拍攝海報。Jade話今次並非去年個唱“Part 2”,而是為演唱會重新製作:“因為我有一個妍亮生命慈善基金,第一次喺咁大嘅場地做籌款嘅演唱會,希望可以祝福香港嘅朋友。”Jade笑言冇想過會獲批檔期搞騷。她說製作過程比以往更有難度:“惗住兩三年後先會批到期做演唱會,點知入完表格冇幾耐就真係批咗,仲急過上年嘅騷!過年前啲人話我好瘦要食多啲嘢,一過完年知道要做騷又要Keep返同戒口。”

為呢次個唱,關心妍拒收歌酬之餘,更自發捐款希望達到目標:“其實我嘅慈善基金一向都係靠我啲歌酬同埋教唱歌去營運,今次仲要捐多啲出嚟,暫時目標係有一百萬嘅門票,免費邀請低收入同基層家庭、情緒病患康復者、中學生去睇騷,因為佢哋可能未嚟過紅館睇演唱會。”Jade話過去一直好多圈中人支持基金,計劃“碌卡”邀請到場做嘉賓:“圈中好多朋友都會嚟做嘉賓,先賣關子,早排過年我都趁團年聚會同啲嘉賓講呢件事,所以呢排同我食飯嘅,你就知我想搵你做嘉賓喇。”