曹查理願為苑仔再拍三級片

久未露面的曹查理，接受苑瓊丹主持的香港開電視節目《開工大吉77》訪問。苑仔表示他們無所不談：“佢話自己圈中朋友唔多，佢最經典嘅鬼古、拍三級片實況都講晒畀我聽，我都唔知呢個尺度出唔出到街，哈哈！”

曹查理坦言當年拍三級片收得，成為影壇搶手貨：“我當時六萬文拍一組戲，日日開工開足幾年！其實我唔介意人哋點睇，因為最緊要記得我，而且好多女明星你哋都只係得遠觀，我就可以同佢哋親近。”

曹查理透露自己已退休，今次純粹畀面苑仔才受訪：“如果苑仔叫我一齊拍三級片，我肯復出，因為呢部一定係笑片，唔會係愛情動作片。”