鄧小巧暢談加拿大創作之旅

鄧小巧前日接受TVB娛樂新聞台節目專訪，大談遠赴加拿大四十多天創作之旅的感受。

小巧表示其實年初已經有這個想法：“當時香港疫症開始嚴峻，所有商業活動叫停，心諗可以趁這個時間專心造歌及製作。因為有好多音樂人都在加拿大居住，當時加拿大亦未爆發疫症，心想不如過去創作，我由起念到實行只得兩個星期。每日九點起身，食完早餐就作詞，有時可能成日都冇靈感，最終完成五首歌返港。”

談到新歌《與人同行》，小巧慶幸身邊有好多好友同行。她笑說：“林家謙係我其中一位男閨密，雖然佢把口好衰，但佢為人冷靜，可以畀到一些好好的意見。另外，之前我同陳蕾同住，佢有時會做一啲好窩心的行為，搞到好似伴侶咁。好似當我唔開心時，佢會做一啲睇落好蠢的事去逗我開心，令我覺得好好笑，不過心裡好甜。”