情侶拍劇冇問題

張寶兒想摑袁偉豪宣泄

前晚，吳業坤（坤哥）與張寶兒等為薛家燕主持的無線音樂節目《流行經典五十年》擔任嘉賓。坤哥口花花笑言已很久冇見“阿燕”了，當見到穿低胸晚裝的家燕姐時，他却用手遮眼不敢正視，更不敢搭對方香肩合照，反而家燕姐就爽快的叫他：“搭落嚟啦！”

坤哥透露：“今個月我會開始會準備Online演唱會，（受疫情影響，工作減少，收入可有影響？）收入的確有多少影響，但情況未至於太過嚴重。(有冇出過糧？)都有，出過‘貓糧’，我最近養了隻貓，份糧都夠養貓的。好多朋友，當中都有女仔話要上我屋企睇貓，不過我養貓唔係為了識女仔的。希望疫情快些過去啦。”

談到近期的工作，坤哥坦言簽了新唱片公司後，仍未開始有宣傳活動：“這段時間我較多會計劃和思考一下末來，另外，會利用這段時間為自己增值，除了做Gym之外，最近又跟前港隊精英學習空手道。已學了兩星期，仍是初級的白帶，我的目標是取得黑帶，但至少要花三年時間，不知道自己會否三分鐘熱度。”

張寶兒受訪時，好自然會談到她的男友袁偉豪。早前，袁偉豪在節目中表示女友為成就他犧牲好多，未來會反過來成就女友。張寶兒聞言笑說：“他覺得係都算係啦，成就係令雙方在工作、性格思想都變得更好。我都希望有機會與男友合作拍劇，演情侶也冇所謂。不過，我比較鐘意與現實生活相反，就是想和他演嗌交戲，因為我平時嗌交都唔會太爆，（可想在戲中掌摑男友？）都好呀，可以讓我宣泄一下，哈哈。”

張寶兒前晚在《流行經典五十年》中獻唱一曲《擁抱愛》，她表示：“這首並非我的飲歌，我為了今次演出，事前練習了好幾天，最擔心忘記歌詞。因為除了商演，我未試過在節目上唱歌的。”她又自爆是咪霸，最鍾意唱K，最厲害試過同朋友連續唱九個小時。問她男友可有給她唱歌上的意見？

張寶兒表示：“都有，他叫我唱得放開一些。其實我們都試過夾Band，我彈鋼琴，他彈結他，他唱歌的聲線比較適合唱外文歌。”